Gruaja e ambasadorit

Një oficer gjerman del nga burgu me një fjalë që i rëndon më shumë se dënimi: fajtor. Në një Europë të rrënuar nga lufta, ai kërkon shpëtim në kujtesë, në letra dhe në një gjuhë të huaj që e mësoi mes maleve të Shqipërisë, atje ku një plumb i vetëm ndryshoi gjithçka.

Në katër novela të forta, Gruaja e ambasadorit e zhvesh luftën nga heroizmi dhe e vendos nën dritën e turpit, dëshirës dhe tradhtisë. Personazhet përballen me martesën, identitetin, ideologjitë dhe plagët e heshtura të historisë, në rrëfime ku askush nuk del plotësisht fitimtar apo i pafajshëm.